काठमाडौं,२२ साउन
दार्चुलामा चरेससहित दुई जना वृद्ध पक्राउ परेका छन् ।
शैल्यशिखर नगरपालिका-३ कर्कलेबाट ६ किलो १०० ग्राम लागूऔषध चरेससहित दुई जनालाई पक्राउ गरिएको हो ।
पक्राउ पर्नेमा महाकाली न पा ४ का ६६ बर्षीय मानसिंह ठगुन्ना र नौगाड गा पा ४ सिप्टीका ७० बर्षीय गौरसिंह ठगुन्ना रहेका छन्।
इलाका प्रहरी कार्यालय गोकुलेश्वरबाट खटिएको प्रहरी गस्ती टोलीले दुवै जनालाई सोमबार पक्राउ गरेको जिल्ला प्रहरी कार्यालय दार्चुलाले जानकारी दिएको छ ।
प्रहरीले विशेष सूचनाको आधारमा पक्राउ गरेको जनाएको छ । दुवै जनालाई चरेससहित नियन्त्रणमा लिएर अनुसन्धान भइरहेको प्रहरीले जनाएको छ ।
