काठमाडौँ,२९ साउन
त्रिभुवन अन्तर्राष्ट्रिय विमानस्थल बाहिरबाट बरामद करीब सय किलो भनिएको सुन जोख्ने भएको छ ।
राजस्व अनुसन्धान विभागले सुन जोख्ने प्रकृयाको लागि आग्रह गरेकोले आवश्यक प्रक्रिया पुर्याएर आजबाट सुन जोखिने टक्सार महाशाखाका प्रमुख थानेश्वर आचार्यले जानकारी दिए।
विमानस्थलकाे भन्सारसमेत जाँचपास भएर बाहिरिएको करिब सय केजी सुन राजस्व अनुसन्धान विभागले ट्याक्सीबाट बरामद गरेको थियो। बरामद भएको उक्त सुन ४ साउनमा परीक्षणका लागि आठवटा बाकसमा टक्सार विभाग लगिएको थियो।
