२५ जेठ, काठमाडाैं
एएफसी यू–२० महिला एसिया कप छनोट दोस्रो चरणको आफ्नो दोस्रो खेलमा नेपाल टिम बलियो प्रतिस्पर्धी चीनसँग ५–० ले पराजित भएको छ ।
म्यानमारमा भइरहेकाे प्रतियाेगितामा आज बिहीवार नेपाली टाेली चीनसँग ५–० गाेलले पराजित भयाे । यसअघि मङ्गलवार भएकाे पहिलाे खेलमा पनि नेपाल घरेलु टोली म्यानमारसँग ५–० गाेलले नै पराजित भएको थियो । नेपालले शनिवारकाे अन्तिम खेलमा चाइनिज ताइपेइसँग खेल्नेछ ।
नेपालले प्यालेस्टाइनमा भएको पहिलो चरणमा घरेलु टोली प्यालेस्टाइन र उत्तरी मरियाना आइल्यान्डलाई समान ६–० गोलले हराउँदै दोस्रो चरणमा प्रवेश गरेको थियो ।
दाेस्राे चरणकाे छनाेट खेलमा उत्कृष्ट चार टोलीले उज्वेकिस्तानमा हुने २० वर्षमुनिको महिला एसियन कप खेल्नेछ ।
