काठमाडाैं,
भारतमा जारी १४ औं संस्करणको साफ च्याम्पियनसिप फुटबल अन्तर्गत समूह चरणको अन्तिम खेलमा आज नेपालले पाकिस्तानको सामना गर्दैछ ।
बैंगलोरस्थित श्री कान्तिराव स्टेडियममा नेपाली समयअनुसार अपराह्न पौने ४ बजे हुने खेल दुवै टोलीका लागि प्रतिष्ठाको लडाइँ मात्र हुनेछ। पहिलो दुई खेल हारेर नेपाल र पाकिस्तान दुवै समूह चरणबाटै बाहिरिइसकेका छन्।
हालसम्म नेपाल र पाकिस्तानबीच १८ खेल भएका छन्। त्यसमध्ये ६ खेलमा नेपाल विजयी भएको छ। यस्तै पाँच खेल बराबरी हुँदा पाकिस्तानले सात खेलमा नेपाललाई हराएको छ।
