काठमाडाैं,१९ असार
एसीसी यु-१६ इस्ट जाेन कपकाे अहिले भइरहेकाे फाइनलमा नेपालले मलेसियालाई २५३ रनकाे लक्ष्य दिएकाे छ।
पान्डामरानस्थित बायुमास ओभलमा टस जितेर पहिले ब्याटिङ गरेको नेपालले निर्धारित ३५ ओभरमा ८ विकेट गुमाएर २५२ सय रन जोड्यो । नरेन भट्टले अविजित ११२ रन बनाए।
तेस्रो नम्बरमा ब्याटिङमा आएका नरेनले पाँचौँ विकेटका लागि सन्तोष यादवसँग एक सय ४ रनको साझेदारी गरेका थिए। उनले ८९ बलमा २ छक्का र १० चौका प्रहार गरेका छन्। नेपालले पहिलो विकेटका लागि ४२ रनको साझेदारी गर्दै मध्यम सुरुवात गरेको थियो।
निरज कुमार यादवले ४७ रन बनाए। लिग चरणमा यी दुई टोली भिडेकामा मलेसिया ९९ रनमा समेटिएको थियो ।
