काठमाडाैं,१९ असार

अमेरिकामा शूटिङकाे क्रममा बलिउड अभिनेता शाहरूख खान दुर्घटनामा परेको खबर सार्वजनिक भएको छ ।

शाहरुख खान लस एन्जिलिसमा आफ्नो प्रोजेक्टका लागि सुटिङ गरिरहेका बेला उनकाे नाकमा चोट लागेका कारण अस्पतालमा शल्यक्रिया नै गर्नु परेको भारतीय सञ्चार माध्यमले जनाएकाे छ । अहिले उनको नाकमा ब्याण्डेज लगाइएको छ । चिकित्सकले शाहरुखको नाकमा सामान्य चोट लागेको तथा चिन्ताजनक अवस्था नरहेको स्पष्ट पारिसकेका छन् ।

उपचारपछि शाहरुख भारत फर्किएर मुम्बईस्थित आफ्नो निवास मन्नतमा स्वास्थ्यलाभ गरिरहेका छन् ।  उनको नयाँ फिल्म जवान चाँडै नै रिलिज हुँदैछ ।