काठमाडाैं,
नौगाड गाउँपालिका-४ मा शुक्रबार दिउँसाे गहुँ चुट्ने थ्रेसरको पट्टामा बेरिएर घाइते बालककाे मृत्यु भएकाे छ।
मृत्यु हुने नौगाड गाउँपालिका- ४ सिप्टीस्थित मल्लामट्टे बस्ने कक्षा ५ मा अद्ययनरत १३ वर्षीय विनोद सिंह धामी रहेका छन्।
जिल्ला प्रहरी कार्यालय दार्चुलाका अनुसार घरभन्दा ५ सय मिटर टाढा गहुँ चुटिरहेको अवस्थामा थ्रेसरको पट्टामा धामीले लगाएको ज्याकेट बेरिन गइ घाइते भएको थिए ।
घाइते बालकलाइ उपचारका लागि गोकुलेश्वर अस्पताल पुर्याइएको थियो । उपचारका क्रममा शुक्रबार बेलुकी साढे ८ बजे गोकुलेश्वर अस्पतालमा मृत्यु भएको जिल्ला प्रहरी कार्यालय दार्चुलाले जनाएको छ।