आज बिहिबार लुम्बिनी विकास बैंकको ऋणपत्रमा आवेदन दिने अन्तिम दिन

समाचार शेयर गर्नुहोस्

२५ जेठ, काठमाडाैं

लुम्बिनी विकास बैंकको ऋणपत्रमा आवेदन दिने आज अन्तिम दिन हो । बैंकले आज कार्यालय समयसम्ममा आवेदन दिइसक्नुपर्ने सूचना सार्वजनिक गरेको छ ।

यसअघि निर्धारित समयमा सबै बिक्री नभएपछि समय थपिएको थियो । बैंकले जेठ १६ गतेदेखि १ अर्ब रुपैयाँ बराबरको ऋणपत्र बिक्री खुला गरेको हो ।

यसले प्रतिइकाई १ हजार रुपैयाँको दरमा १० लाख इकाई ऋणपत्र जारी गरेको छ। यसमध्ये ६०% अर्थात् ६ लाख इकाई बैंकले आफ्नै पहलमा अन्य संघसंस्थालाई बिक्री गरेको छ । ४ लाख इकाई सर्वसाधारणका लागि छुट्याइएको हो ।  यसमध्ये पनि सामूहिक लगानी कोषलाई २० हजार इकाई सुरक्षित गरिएको छ । बाँकी ३ लाख ८० हजार कित्ताको लागि लगानीकर्ताले आवेदन दिन पाएका हुन् ।

लुम्बिनीले १० वर्ष अवधिको ‘११% एलबीबीएल डिबेन्चर २०८९’ जारी गरेको हो । यसमा वार्षिक ११% ब्याजदर दिने बैंकले जानकारी दिएको छ । बिक्री प्रबन्धकको काम नबिल इन्भेष्टमेन्ट बैंकिङले गरेको छ ।

यसमा न्यूनतम २५ इकाईदेखि अधिकतम १ लाख इकाईसम्म आवेदन दिन सकिनेछ । यसमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ।

Leave a Reply

Your email address will not be published. Required fields are marked *

ताजा समाचार
सर्वाधिक रुचाईएको