पहिचानवादीहरूलाई संघीयतालाई कमजोर पार्ने कुनै पनि गतिविधि नगर्न गृहमन्त्रीकाे आग्रह

समाचार शेयर गर्नुहोस्

२६ जेठ, काठमाडाैं

गृहमन्त्री नारायणकाजी श्रेष्ठले कोशी प्रदेशमा नामकरणको विषयमा देखिएको असन्तुष्टिलाई राजनीतिक ढंगबाटै समाधान गर्नसमेत सबैलाई आग्रह गरेका छन् । प्रतिनिधिसभाको शुक्रबारको बैठकमा बोल्दै मन्त्री श्रेष्ठले राजनीतिक मुद्दालाई संविधान, कानूनको क्षेत्राधिकारभित्र रहेर राजनीतिक ढंगबाटै समाधानको बाटो खोज्न आग्रह गरेका हुन्।

कोशी प्रदेश नामकरणको विषयमा बिहीबार प्रदेशसभाका उपसभामुख र मन्त्रीहरू चढेका गाडीमाथि नै आक्रमण भइरहेको विषयमा नेकपा एमालेका सांसदहरूले प्रश्न उठाएपछि त्यसबारे जवाफ दिँदै गृहमन्त्री श्रेष्ठले सरकारले संविधान र कानुनलाई हातमा लिने, अराजक गतिविधि गर्ने र समाजमा उदण्ड मच्चाउने सबैलाई कानुनी दायरामा ल्याउने बताए ।

यस्तै उनले सरकारले उपसभामुख, मन्त्री वा सांसदहरूलाई मात्रै नभएर सबै नागरिकलाई सुरक्षाको प्रत्याभूति दिलाउन प्रयासरत रहेको बताए ।

उनले भने ‘हामी लोकतान्त्रिक राज्यको अभ्यास गरिरहेका छौँ । लोकतन्त्रमा सबैलाई दृष्टिकोण राख्ने, गतिविधि गर्ने स्वतन्त्रता छ, तर त्यो संविधान, लोकतन्त्र र तिनले प्रत्याभूत गरेको विधिअनुरूप हुनुपर्छ । अन्यथा त्यसको रक्षा गर्न सरकार प्रतिबद्ध छ,कोशी प्रदेशमा आन्दोलनरत पहिचानवादी साथीहरूलाई मेरो आग्रह छ, तपाईंहरूले ठीक ढंगले विषयवस्तुलाई पक्रन नसक्दा कतै संघीयतालाई नै नचाहनेहरूलाई बल नपुगोस् ।’

Leave a Reply

Your email address will not be published. Required fields are marked *

ताजा समाचार
सर्वाधिक रुचाईएको