विद्यालयका कर्मचारीहरूको समस्या तत्काल समाधान गर्न सांसद पाैडेलकाे माग

समाचार शेयर गर्नुहोस्

काठमाडाैं,

सत्तारुढ नेकपा माओवादी केन्द्रका सांसद एवं पूर्वशिक्षामन्त्री देवेन्द्र पौडेलले विद्यालयका कर्मचारीहरूको समस्या तत्काल समाधान गर्न सरकारसँग माग गरेका छन् ।

शुक्रबार प्रतिनिधि सभा बैठकमा बाेल्दै उनले सार्वजनिक विद्यालय सुधार अभियानलाई सार्थक बनाउन पनि विद्यालयका कर्मचारी र शिक्षकहरूसँग विगतमा गरिएका सहमति कार्यान्वयनमा सरकारले ढिलाइ गर्न नहुने बताए ।

विद्यालयका कर्मचारीहरू लेखापाल र कार्यालय सहयोगीको सेवा सुविधा खरदार सरह हुनुपर्ने माग गर्दै आइरहेको बताउँदै उनले भने, ‘शिक्षक महासंघसँग २०७८ सालमा ५१ बुँदे सहमति भएको थियो । त्यसैगरी २०७५ सालमा पनि शिक्षक महासंघसँग त्यस प्रकारका समस्याहरू समाधान गर्न सरकारको तर्फबाट प्रतिबद्धता गरिएको थियो । आजसम्म ती समस्याहरू हल नहुनु र विद्यालयका विषयमा, शैक्षिक सुधारका विषयमा सदनमा लगातार कुरा उठ्दै गर्दा पनि शिक्षकका समस्याहरू हल नहुनु गम्भीर विषय हो ।’

 

Leave a Reply

Your email address will not be published. Required fields are marked *

ताजा समाचार
सर्वाधिक रुचाईएको