नक्कली भुटानी शरणार्थी प्रकरणमा अनुसन्धान जारी छ : गृहमन्त्री श्रेष्ठ

समाचार शेयर गर्नुहोस्

असार १०,काठमाडाैं

उपप्रधान एवं गृहमन्त्री नारायणकाजी श्रेष्ठले नेपाली नागरिकलाई भुटानी शरणार्थी बनाउने गिरोहमा संलग्नलाई कानुनबमोजिमको कारबाही हुने बताएका छन् ।

आज (आईतबार) प्रतिनिधि सभाको बैठकलाई सम्बोधन गर्दै उनले सरकार ठगी, संगठित अपराध, राज्यद्रोह र किर्तेको आधारमा आफ्ना नागरिकलाई शरणार्थी बनाउनेलाई कारबाहीका लागि तयार रहेको बताएका हुन् ।

‘नेपाली नागरिकहरुलाई अनागरिक बनाएर अर्काको देशमा शरनार्थीको रुपमा पठाउने र सम्पत्ति आर्जन गर्ने प्रवृत्तिले काम गरिरह्यो । त्यसको अनुसन्धान गर्दै त्यसमा संलग्न व्यक्तिहरुलाई कानुनको दायरामा ल्याउने प्रक्रिया अगाडि बढाएको कुरा सबैलाई अवगत भइसकेको छ । यो ठगी, संगठित अपराध, राज्यद्रोह र किर्ते यस प्रकारको गतिविधिहरुलाई दण्डित गर्ने राज्यलाई त्यसबाट मुक्त बनाउने दिशातिर अगाडि बढाउनका निम्ति ठोस पहल कमदी अगाडि बढाइएको छ,’– उनले भने ।

अनुसन्धनपछि केही पात्रहरुलाई अदालतमा अभियोजनको प्रक्रियामा अगाडि बढिरहेको र उनीहरु पुर्पक्षका लागि थुनामा रहेको स्मरण गर्दै उनले तथ्य र प्रमाणको आधारमा कारबाही हुने बताए ।

Leave a Reply

Your email address will not be published. Required fields are marked *

ताजा समाचार
सर्वाधिक रुचाईएको