दक्षिणपूर्वी टर्कीको सिमानजिकै सिरियाली भूभागमा केन्द्रविन्दु रहेको ७.८ म्याग्निच्यूडको भूकम्पमा परी मृत्यु हुनेको सङ्ख्या १८७ पुगेको छ ।
भूकम्पमा परेर सिरियामा १११ जनाभन्दा बढीको मृत्यु भएको सिरियाली स्वास्थ्य मन्त्रालयले जनाएको छ ।
भूकम्पमा परी सिरियाको अलेप्पो, लाटकिया, हामा र टार्टस प्रान्तमा ५१६ जना घाइते भएका छन् भने १११ जनाभन्दा बढीको मृत्यु भएको छ ।
त्यस्तै भूकम्पबाट टर्कीमा ७६ जनाभन्दा बढीको मृत्यु भएको स्थानीय मिडियाहरुले उल्लेख गरेका छन् । मिडिया रिपोर्टमा मृत्यु हुनेको संख्या अझै बढ्ने बताइएको छ
यसअघि एक स्थानीय अस्पतालले टर्की समर्थक समूहको नियन्त्रणमा रहेको उत्तरी क्षेत्रमा कम्तीमा आठ जनाको मृत्यु भएको बताएको थियो ।
टर्कीको दक्षिणपूर्वी क्षेत्रमा पर्ने गाजियान्टेप नजिकै स्थानीय समयअनुसार सोमबार बिहान ४: १७ बजे ७.८ म्याग्निच्युडको भूकम्प गएको अमेरिकी भौगर्भिक सर्भेले जनाएको छ ।
भूकम्पको धक्का लेबनान, सिरिया र साइप्रसमा भूकम्पको धक्का महशुस गरिएको थियो ।