दुर्गा प्रसाई १३ गते शनिबार अभियान लिएर चितवन आउदै, आज पत्रकार सम्मेलन

समाचार शेयर गर्नुहोस्

चितवन, भरतपुर

देशव्यापी रुपमा नागरिक बचाउ अभियान सुरु गरेका व्यवसायी दुर्गा प्रसाई शनिवार चितवन आउने भएका छन् । राष्ट्र राष्ट्रियता धर्म संस्कृति तथा नागरिक बचाउ महाअभियान नेपालले बुधबार भरतपुरमा पत्रकार सम्मेलनको आयोजना गरेर प्रसाई चितवनको कार्यक्रममा सहभागि हुन लागेको जानकारी दिएको हो ।

राष्ट्र राष्ट्रियता धर्म सस्कृति र नागरिक बचाउ अभियान लिएर दुर्गा प्रसाई शनिवार चितवन आउने,नारायणी किनारमा विशेष सम्बोधन गर्ने भएका छन् ‌‌।

कार्यक्रम संयोजक पदम पाण्डेका अनुसार कार्यक्रम शनिवार दिउसो १२ः३० बजे नारायणी नदी किनारमा हुनेछ । पाण्डेले दुर्गा प्रसाईको अभियान राष्ट्र बचाउने अभियान भएको दावी गरे । चितवनको कार्यक्रममा लाखौंको सहभागिता रहने उनको भनाई छ । बैंक तथा वित्तिय संस्थाको आतंक र वेतिथि विरुद्ध देशव्यापी अभियान सुरु भएको पाण्डेले बताए । साथै पाण्डेले उक्त कार्यक्रममा उपस्थिति हुन सबैलाई आव्हान गर्नुभएको छ ।  १ गते मेचीबाट पूर्वराजा ज्ञानेन्द्र शाहको प्रमुख आतिथ्यतामा सुरु भएको अभियानको निरन्तरता स्वरुप चितवनमा पनि कार्यक्रम हुन लागेको हो । बर्दिया, धनगढीमा पनि कार्यक्रम सम्पन्न भइसकेको छ ।

२० गते पछि काठमाडौं केन्द्रित कार्यक्रम शुरु गरिने पनि बताउनु भयो ।

Leave a Reply

Your email address will not be published. Required fields are marked *

ताजा समाचार
सर्वाधिक रुचाईएको