काठमाण्डाैँ,
आज नेपाली ब्याटरहरू आइसिसी पुरुष विश्वकप लिग– २ त्रिकोणात्मक एकदिवसीय सिरिजअन्तर्गत युएईसँगको खेलमा कमजाेर देखिएका छन्।
नेपालले सुरूवातमै दुइ विकेट गुमाएकाे र नेपालले नाै ओभरभित्र आफ्नो दुवै ओपनर गुमाइसकेको छ। कुशल भुर्तेलको अनुपस्थितिमा ओपनिङमा आएका ज्ञानेन्द्र मल्ल पनि आउट भएका छन्। २६ बल सामना गरेका ज्ञानेन्द्रले ११ रन बनाए । उनले दुई चौका प्रहार गरे।
त्यसअघि पाँचौँ ओभरको दोस्रो बलमा नेपालले आसिफ शेखलाई गुमाएको थियो। १४ बलको सामना गरेका आसिफले ६ रन बनाए। अहिले क्रिजमा कुशल मल्ल र कप्तान रोहितकुमार पौडेल छन्। नेपालले टस जितेर ब्याटिङ रोजेको हो।