स्वास्थ्य परीक्षणका लागी जनकपुर लगिएका एक थुनुवा फरार

समाचार शेयर गर्नुहोस्

काठमाण्डाेँ,

जलेश्वर कारागारका एक थुनुवा फरार भएका छन्। स्वास्थ्य परीक्षणका लागी जनकपुर लगिएका एक थुनुवा फरार भएका हाे। हत्या अभियाेगमा पुर्पक्षका लागी थुनामा रहेका लाेहरपट्टी नगरपालिका ९ खुट्टापिपराडीका २३ वर्षीय कृष्ण यादव जनकपुरस्थित आर्य क्लिनिकबाट शुक्रबार अपराह्न फरार भएका हुन ।

जिल्ला प्रहरी कार्यालयका अनुसार खुट्टामा समस्या आएको बताएपछि यादवलाई अन्य ५ जना बिरामी कैदीसाथ स्वास्थ्य जाँचका लागि उक्त क्लिनिक लगिएको थियो । शौचालय जाने बहानामा यादवले भेन्टिलेसन फुटाली फरार भएको जिल्ला प्रहरीका प्रवक्ता तथा डिएसपी दिलीप गिरीले बताउनुभयो ।

गिरीका अनुसार जनकपुर उपमहानगरपालिका -७ का अर्जुन महतोको हत्या अभियोगमा महोत्तरी जिल्ला अदालतको आदेशले यादवलाई गत भदौ २५ गतेदेखि पुर्पक्षका लागि जलेश्वर कारागारमा राखिएको थियो ।

Leave a Reply

Your email address will not be published. Required fields are marked *

ताजा समाचार
सर्वाधिक रुचाईएको