काठमाडौँ,२४ साउन
राष्ट्रिय स्वतन्त्र पार्टीका सभापति रवि लामिछानेले कुन कानुन टेकेर राजश्वले गरिरहेको अनुसन्धान सिआइबीलाई दिइएको हो भन्ने विषयमा गृहमन्त्रीले प्रस्ट पार्नु पर्ने बताएका छन् ।
आज बुधबार प्रतिनिधि सभाको बैठक पछि पत्रकारहरुसँग कुराकानी गर्दै सभापति लामिछानेले अनुसन्धान सिआइबीलाई नदिने होइन तर कुन कानुन अनुरूप दिइयो भन्ने चैँ प्रस्ट हुनु पर्ने बताए ।
लामिछानेले भने, ‘गृह मन्त्री ज्यूले हिजो दिनुभएको जवाफमा ३५ दिनको समय माग्नु भएको छ । तर उहाँलाई मेरो प्रश्न छ जुन सिआइबीलाई राजस्व अनुसन्धान आयोगले गरिरहेको अनुसन्धानलाई सिआइबीमा लाने कुरा भयो राज्यका निकायलाई विश्वास गरौँ भन्नु भयो तर मेरो प्रश्न कुनै कानुनमा टेकेर तपाईँले गर्नु भयो होला । सिआइबीलाई नदिने भनेको होइन मैले तर कुनै प्रक्रियामा जाँदा कुनै कानुनलाई टेकेर गर्नु पर्ने हुन्छ ।’