काठमाडौँका यी ठाउँमा आज दिउँसो विद्युत् अवरुद्ध हुने

प्राधिकरणका अनुसार आज शनिबार बिहान ११:०० बजेदेखि दिउँसो २:०० बजेसम्म पानीपोखरी फिडर र हस्पिटल फिडरअन्तर्गतका क्षेत्रहरूमा विद्युत् अवरुद्ध हुनेछ । यसबाट लाजिम्पाट, पानीपोखरी, महाराजगञ्ज टिचिङ अस्पताल आसपासका क्षेत्रहरू, राष्ट्रपति भवन, सीआईबी र नेपाल प्रहरी अस्पताल आसपासका क्षेत्रहरू प्रभावित हुनेछन् ।

यस्तै, भोलि पनि बिहान ११:०० बजेदेखि दिउँसो २:०० बजेसम्म विद्युत् आपूर्ति बन्द रहनेछ । आइतबार बालुवाटार चुनदेवी मन्दिर जाने बाटोको आरएमयूबाट आपूर्ति हुने बालुवाटार, चुनदेवी र पञ्चकन्या आसपासका क्षेत्रहरूमा बत्ती काटिने प्राधिकरणले जनाएको छ ।

प्राधिकरणले निर्धारित समयभन्दा अगावै काम सम्पन्न भएमा समय अगावै विद्युत् आपूर्ति सुरु गरिने समेत स्पष्ट पारेको छ । विद्युत् आपूर्ति बन्द हुँदा ग्राहकमा पर्न जाने असुविधाप्रति प्राधिकरणले क्षमा मागेको छ ।