चितवनमा महिन्द्राका ‘इलेक्ट्रिक ओरिजिन एसयूभी’ बीई–६ र एक्सइभी ९–ई भव्य रूपमा सार्वजनिक

यी दुवै एसयूभी महिन्द्राको अत्याधुनिक इंगलो प्लेटफर्ममा आधारित छन् र विश्वकै बुद्धिमान अटोमोबाइल संरचना मानिने माया प्रणालीद्वारा सञ्चालित छन् । यी मोडलको सार्वजनिकरणसँगै विद्युतीय सवारी क्षेत्रमा चितवनसहित नेपालका क्षेत्रीय बजारमा नयाँ यात्राको सुरुआत भएको कम्पनीले जनाएको छ ।

महिन्द्रा बीई–६ र एक्सइभी ९–ई लाई सन् २०२५ मा आयोजित नाइमा नेपाल मोबिलिटी एक्स्पोमार्फत पहिलोपटक नेपाली बजारमा ल्याएको थियो । त्यसयता यी मोडलले उपभोक्तामाझ सकारात्मक प्रतिक्रिया पाउँदै आएका छन् । हालै एक्सइभी ९–ई ले इन्डियन कार अफ द इयर २०२६ अन्तर्गत ग्रीन कार अफ द इयर २०२६ उपाधि प्राप्त गर्नुले यसको उन्नत विद्युतीय प्रविधि, दिगो डिजाइन र उत्कृष्ट प्रदर्शनलाई अन्तर्राष्ट्रिय मान्यता दिएको कम्पनीको दाबी छ ।

बढ्दो मागलाई ध्यानमा राख्दै अग्नि ग्रुपले महिन्द्राको ‘बर्न इलेक्ट्रिक’ लाइनअप लाई देशका विभिन्न क्षेत्रीय सहरहरूमा विस्तार गर्ने योजना अघि बढाएको जनाएको छ । कम्पनीका अनुसार निकट भविष्यमा वीरगञ्ज, भैरहवा, इटहरीलगायतका सहरहरूमा पनि यी मोडल सार्वजनिक गरिनेछन् ।