बंगलादेशका प्रधानमन्त्रीको शपथमा सहभागी हुन भारतलाई पनि निम्तो, मोदी जालन् ?

भारतले भने यसबारेमा अहिलेसम्म आधिकारिक प्रतिक्रिया दिएको छैन । मोदी शपथग्रहणमा सहभागी हुन्छन् या हुँदैनन् भन्ने विषयलाई चासोका साथ हेरिएको छ । शेख हसिनाको सरकार ढलेपछि भारतले बीएनपीसँग संवादको बाटो भने खोलेको छ । रहमानले पनि रचनात्मक रूपमा भारतसँग बहुआयामिक सम्बन्ध सुदृढ गर्नेमा जोड दिएका छन् ।

बीएनपीले आफ्नो चुनावी अभियानमा ‘सबैसँग मित्रता’ को नीति लिने वाचा गरेको थियो । सन् २०१४ मा प्रधानमन्त्री मोदीको शपथग्रहण समारोहपछि सार्क देशहरूका नेताहरूको यस्तो जमघट ढाकामा हुन सक्ने कतिपयको आकलन छ ।

मोदीको बधाई सन्देशको प्रशंसा गर्दै बीएनपीले एक्समा लेखेको छ, “धेरै–धेरै धन्यवाद माननीय नरेन्द्र मोदी । राष्ट्रिय चुनावमा बीएनपीको निर्णायक जित दिलाउन तारिक रहमानको नेतृत्वलाई तपाईंले जसरी स्वीकार गर्नुभयो, त्यसका लागि हामी धेरै आभारी छौँ ।”

बंगलादेशको अखबार द डेली स्टारले मन्त्रिपरिषद्को शपथग्रहण समारोह बंगभवनको दरबार हलमा नहुने जनाएको छ । यसको सट्टा बीएनपीको नेतृत्वको सरकारले मंगलबार राष्ट्रिय संसदको साउथ प्लाजाबाट आफ्नो कार्यकालको सुरुवात गर्नेछ । यो बीएनपीको रोजाइअनुसार भएको समाचारमा उल्लेख छ ।

नवनिर्वाचित सांसदहरूको शपथग्रहण मंगलबार बिहान १० बजे र मन्त्रिपरिषद्को शपथग्रहण त्यही दिन साँझ ४ बजे हुनेछ ।