सडक यात्रा सुरक्षित बनाउन राज्यले विगतमा गम्भीर चासो लिएन : रवि लामिछाने

काठमाडौँ । राष्ट्रिय स्वतन्त्र पार्टीका सभापति रवि लामिछानेले पोखराबाट काठमाडौँ आउँदै गरेको बस धादिङमा दुर्घटना हुँदा भएको ठुलो मानवीय क्षतिप्रति गहिरो दुःख व्यक्त गरेका छन् । लामिछानेले दुःखद घडीमा ज्यान गुमाउनेप्रति श्रद्धाञ्जली, घाइतेहरूको शीघ्र स्वास्थ्यलाभ र शोकसन्तप्त परिवारजनमा हार्दिक समवेदना व्यक्त गरेका हुन्।

सामाजिक सञ्जालमा उनले लेखेका छन्, ‘सडक यात्रा सुरक्षित बनाउनु राज्यको दायित्व हो। तर, यसतर्फ गम्भीर चासो र चिन्ता विगतमा लिइएन। दुर्घटनाको निष्पक्ष र गम्भीर छानबिन गरी कारण पहिचान, दोषीमाथि कारबाही र भविष्यमा दोहोरिन नदिन ठोस सुधारात्मक कदम चालिनुपर्थ्यो, हुन सकेन।’