मतदाता नामावलीमा एकै व्यक्तिको नाम दुई ठाउँमा देखिए कुन आधिकारिक ?

जवाफमा निर्वाचन आयोगले दुई ठाउँमा एकै व्यक्तिको नाम रहन सक्ने विषयलाई नकारेको छैन ।

‘दुई ठाउँबाट नाम दर्ता गर्नाले वा अन्य कुनै प्राविधिक कारणले गर्दा दुई ठाउँमा देखिएको हुन सक्छ’ आयोगले भनेको छ, ‘यस्तो देखिए पनि स्थायी ठेगाना जहाँ हो त्यहीँबाट मात्र मतदान गर्न पाउनुहुन्छ । मतदान गर्न जाँदा आफू त्यहाँको स्थायी बासिन्दा भएको प्रमाणित गर्ने कागजात, जस्तै नागरिकता, जग्गा धनी प्रमाणपुर्जा, बसाइँसराइ प्रमाणपत्र साथमा लगेर जानुहोला ।’

निर्वाचन सकिएपछि यस्तो त्रुटी सच्याउनका लागि निवेदन दिनसमेत आयोगले भनेको छ ।

आयोगले दुई ठाउँमा आफ्नो नाम रहेको बताउने मतदातालाई आग्रह गरेको छ, ‘प्रतिनिधिसभा सदस्य निर्वाचन २०८२ सम्पन्न भएपश्चात् आफ्नो नामावली एउटा मात्र स्थानमा कायम गर्नको लागि प्रदेश/जिल्ला निर्वाचन कार्यालयमा वा निर्वाचन आयोगको वेब पेजमार्फत् आवेदन पेस गर्नुहोला ।’