रसुवा । प्रकृतिको अनुपम उपहारले भरिपूर्ण नेपालका अनेकौँ कुना–कन्दरा अझै पनि पर्यटकीय नक्सामा मूलधारमा आउन सकेका छैनन् । तिनै मध्येको एक उदीयमान र मनमोहक गन्तव्य हो– रसुवा जिल्लाको गोसाइँकुण्ड गाउँपालिका वडा नम्बर ६ स्थित नागुङ गाउँपछाडिको प्राकृतिक झरना र ताल ।
अग्लो र विशाल चट्टानी पहराबाट कलकल बग्ने यो आकर्षक झरना र यसको फेदीमा रहेको शान्त ताल यति बेला स्थानीयवासी र रैथाने गोठालाहरूको मात्रै मन भुलाउने माध्यम बनेको छ । धार्मिक तथा ऐतिहासिक पर्यटकीय क्षेत्र गोसाइँकुण्ड मार्गकै आसपास पर्ने यो क्षेत्र प्रचार–प्रसार र पूर्वाधार अभावका कारण लामो समयदेखि ओझेलमा पर्दै आएको छ ।
