काठमाडाैं, ८ साउन
साता कारोबारको दोस्रो दिन शेयरबजार ओरालो लागेको छ। सेयर बजार सोमबार २६.६६ अङ्कले घटेको छ। जसबाट नेप्से परिसूचक २२०० कायम भएको छ।
आज म्युचल फन्ड र अन्यबाहेक अरू सबै समूहको शेयर ओरालो लागेको छ । आज सबैभन्दा धेरै किसान लघुवित्तको शेयर १० प्रतिशतले बढेको छ भने लिबर्टी इनर्जीको शेयर साढे छ प्रतिशतले घटेको छ ।
नेप्से घटे पनि कारोबार रकम भने बढेको छ । २ करोड ९ लाख ७९ हजार कित्ता शेयर चार अर्ब ७३ करोड ७६ लाख रुपैयाँमा कारोबार भएका छन् । सबैभन्दा धेरै नेपाल पुनर्बीमा कम्पनीको २५ करोड ५६ लाख रुपैयाँको शेयर खरिद/बिक्री भएको छ ।
