सोमबार टर्कीमा गएको शक्तिशाली भूकम्पका कारण ज्यान गुमाउने र घाइतेको संख्या तीव्र गतिमा बढिरहेको छ । बीबीसीका अनुसार अहिलेसम्म ४३ सयभन्दा धेरैको ज्यान गएको पुष्टि भइसकेको छ । यस्तै, घाइतेको संख्या १२ हजारभन्दा बढी रहेको छ । यिता, विश्व स्वास्थ्य संगठन डब्ल्यूएचओले ज्यान गुमाउनेको संख्या अहिले पुष्टि भएको संख्याको आठ गुणासम्म बढ्ने बताएको छ । भूकम्पका कारण टर्कीसँगै सिरियामा पनि धेरै नागरिकले ज्यान गुमाएका छन् । भूकम्पपछि उद्धार कार्यलाई तीव्रता दिनका लागि अन्तर्राष्ट्रिय उद्धारकर्मी टर्की पुग्ने क्रम जारी छ ।