पूर्णबहादुरले डाक्टर’साप केही बोल्नुहुन्छ भन्दा शेखरले खोलेनन् मुख

नेपाली कांग्रेस पार्टी एक हुनुपर्छ भन्ने पक्षमा रहेका नेता शेखर कोइराला अहिले संस्थापन समूहसँगै छन् । संस्थापन समूहसँगै कोइराला शुक्रबार निर्वाचन आयोग पुगेका थिए । त्यस क्रममा उनले व्यक्तिलाई होइन, संस्थालाई मान्यता दिन आयोगसमक्ष आग्रह गरेका थिए ।

‘म एउटै प्रश्न गर्न चाहन्छु– आज टुँडिखेलमा गईकन कुनै निर्वाचन आयुक्तले माघ ६ गते नोमिनेसन (मनोनयन) हुँदैन भन्यो भने त्यो निर्वाचन आयोगलाई मान्य हुन्छ कि हुँदैन ? व्यक्ति होइन, हामीहरूले संस्था खोजेको हो । संस्थालाई हेरेर हामी अगाडि जानुपर्ने हुन्छ,’ उनले भने ।