राजीनामा दिन आउँछु, आउँदै छु भनेका हर्क साम्पाङ कार्यालय नै गएनन् !

बेघाले भने, “उहाँले अब उमेदवार बन्छु होला, म आउँछु होला भन्दै फोन गर्नुभएको थियो, दिनभर पर्खिएर बसेँ, तर आउनुभएन ।”

बेघाका अनुसार अढाई बजेतिर फेरि आउँछु भन्दै टेलिफोन गरेका साम्पाङको त्यसपछि फोन आएन । कार्यालय समय सकिएकाले आफू फर्किएको बेघाले सुनाए ।

श्रम संस्कृति पार्टी खोलेर प्रतिनिधिसभा चुनावमा भाग लिने घोषणा गरेका साम्पाङले मेयर पदबाट राजीनामा दिने यसअघि नै घोषणा गरेका थिए ।

उनी चुनावी अभियानमा सक्रिय भइसकेका छन् ।

साम्पाङले राजीनामा दिन आउँछु भनेपछि धरान उपमहानगरपालिकाको कार्यालयमा उनलाई कुरेर पत्रकारहरूसमेत दिनभर बसेका थिए ।

उता, आजै काठमाडौंका मेयर बालेन्द्र साह (बालेन) ले भने आइतबार नै दिएका छन् ।