पुराना खराब भए, नयाँ दल चाहिन्छ भन्ने विचार क्रान्तिकारी होइन- विप्लव

‘यहाँ दलसंगको समस्या होइन, जनतालो चाहेको त सत्ता हो। जनताले चाहेको त आफ्नो सेवा गर्ने हो, आफ्नो पक्षमा निर्णय गर्ने हो। न्यायपूर्ण ढंगले फैसला लिने सत्ता चाहिएको हो। जनताले याँ दल र पुराना दलको कुरा गरेको होइन,’ उनले भने।

उनले पुराना दलले भ्रष्टाचार र विकृतिको जन्म दिएको सही भए पनि नयाँ दल आएपछि मात्रै अवस्था स्वतः सुध्रिन्छ भन्ने धारणा भने गलत रहेको बताए।

नयाँ दलप्रति जनतामा देखिएको आशा केही हदसम्म पुराना दलको असफलताबाट जन्मिएको भएपनि पुरानो राज्यसत्ता यथावत रहेसम्म नयाँ दल आएर मात्रै समस्या समाधान नहुने उनको भनाइ छ।

‘मान्छे उमेरले पुरानो हुनसक्छ, तर उनीहरुले भन्ने कुरा के हो भन्ने कुरा धेरै महत्वपूर्ण छ । त्यसकारण पुरानो नेता र नयाँ नेताको बहस पनि वास्तविक अहिलेको समस्यालाई निकाश दिने बहस होइन। यो पनि भुलभुलैयामा पार्ने, यो जनतालाई अलमलमा पार्ने एउटा गुलियो पोतिएको नारा हो । पुरानो सत्तालाई बदल्ने दृष्टिकोण भएको नेताहरु चाहियो नी त। पुरानो चरित्रका सत्ताहरुलाई बदल्न सक्ने, त्यहाँभित्र भएका विकृतिहरुलाई फेर्न सक्ने नेता चाहियो नी त । के नयाँ भन्नेहरुबाट त्यो देखियो त?,’ उनले भने।