दोषी ठहर भएका ६ फरार प्रतिवादी पक्राउ

यसैगरी सवारी ज्यान मुद्दाका फरार अझियुक्त मनहरी-७ का ४२ वर्षीय सुनिल मोत्तानलाई प्रहरीले पक्राउ गरेको छ । मोक्तानलाई अदालतले १ महिना कैद र २४ हजार रुपैयाँ जरिवाना गर्ने फैसला गरेको थियो । सवारी ज्यान मुद्दाका फरार अभियुक्त मनहरी-७ का ७७ वर्षिय चन्द्रबहादुर तामाङलाई प्रहरी पक्राउ गरेको छ।

जिल्ला अदालत मकवानपुरले उनलाई १ वर्ष कैद र २४ हजार रुपैयाँ जरिवाना गर्ने फैसला गरेको छ ।यसैगरी यौन दुर्व्यवहादुर मुद्दाका फरार अभियुक्त हेटौंडा-७ का ४५ वर्षीय दिपेन्द्र तिवारीलाई प्रहरीले पक्राउ गरेको छ । अदालतले उनलाई एक महिना कैद र १२ हजार रुपैयाँ जरिवाना गर्ने फैसला गरेको छ । लागुऔषध मुद्दामा एक महिना कैद र १२ हजार जरिवाना तोकिएका हेटौंडा-१४ का अमित लामालाई प्रहरीले पक्राउ गरेर अदालतमा पेश गरेको हो।

६ जना फरार अभियुक्तलाई गाउँमै लुकिछिपी बसेको अवस्थामा पक्राउ गरेको जिल्ला प्रहरी कार्यालय मकवानपुरका प्रवक्ता डीएसपी पुस्कर बोगटीले बताए । जिल्ला प्रहरी कार्यालयका अनुसार चालु आर्थिक वर्षको साउनयतादेखि पुससम्म ६३ जना फरार प्रतिवादीलाई पक्राउ गरेर अदालतमा बुझाइसकेको छ ।