रञ्जित तामाङको ३३ बुँदे ‘भिजन पेपर’: ‘३५ मिसन, २१ लक्ष्य र १७० गौरव योजना’

भ्रष्टाचार नियन्त्रणका लागि तामाङले २०४६ सालपछिका सबै किसिमका अनियमितता र भ्रष्टाचारको छानबिन गर्न एउटा अधिकारसम्पन्न संसदीय समिति गठन गर्ने र दोषीलाई कारबाही गर्ने बाचा गरेका छन्।

सामाजिक सुरक्षातर्फ तामाङले भूमिहीन सुकुम्बासी र अव्यवस्थित बसोबासीलाई जग्गाको धनीपुर्जा मात्र होइन, उनीहरूका लागि शिक्षा, स्वास्थ्य, बिजुली र खानेपानी पूर्ण रूपमा निःशुल्क गर्ने सङ्कल्प गरेका छन्। साथै, युवाहरूलाई रोजगारीको ग्यारेन्टी नहुन्जेलसम्म निश्चित मापदण्डका आधारमा ‘बेरोजगारी भत्ता’ दिने प्रस्तावसमेत उनले अघि सारेका छन्।

विकास निर्माणका लागि उनले क्षेत्रका २९ वटै वडामा ‘एक वडा : एक गौरव योजना’सहित ५ वर्षमा १७० वटा ठूला आयोजना सम्पन्न गर्ने कार्यतालिका सार्वजनिक गरेका छन्।

जसमा दमक बहुमुखी क्याम्पसलाई ‘शैक्षिक टावर’ बनाउने देखि भारतीय पूर्व सैनिकका लागि सिएसडी क्यान्टिन खोल्ने र नदी किनारमा कोरिडोर निर्माण गर्ने जस्ता रोचक र महत्त्वाकाङ्क्षी योजनाहरू समेटिएका छन्।