काठमाडौं । काठमाडौं र भक्तपुरमा दुईजना मृत फेला परेका छन् । प्रहरीका अनुसार उनीहरू आइतबार मृत फेला परेका हुन् ।
काठमाडौं महानगरपालिका-११, भोटेबहालस्थित अरनिको स्कुलनजिक सडकमा काभ्रे घर भएका ३७ वर्षीय रोहित सार्की आइतबार मृत अवस्थामा फेला परेका प्रहरीले जानकारी दिएको छ ।
त्यस्तै, भक्तपुरको भक्तपुर नगरपालिका-६, डेकोचा बस्ने ४२ वर्षीय प्रकाश नेपाली आफ्नै घरमा आइतबार मृत अवस्थामा फेला परेका छन् । यस सम्बन्धमा आवश्यक अनुसन्धान भइरहेको प्रहरीले जानकारी दिएको छ ।
