एमाले सचिवालय बैठक आज, समानुपातिक सूचीबारे छलफल

निर्वाचन आयोगले समानुपातिक सूचीबाट नाम चयन गरेर पेस गर्न दलहरूलाई यही फागुन २८ गते तीन दिनको समय दिएको थियो । त्यो म्याद आइतबार (चैत १) सकिनेछ ।

दलहरूले यसअघि बुझाएको समानुपातिक सूचीबाट सांसद चयन गर्नुपर्छ । दलले प्राप्त गरेको सिट संख्याअनुसार क्लस्टर मिलाएर नाम चयन गरी आयोगमा बुझाउनुपर्ने व्यवस्था छ । त्यसपछि आयोगले विवरण रुजु गरेर सांसद निर्वाचित भएको प्रमाणपत्र दिनेछ ।

यही फागुन २१ गते भएको प्रतिनिधिसभा सदस्य निर्वाचनबाट समानुपातिकतर्फ एमालेले १६ सिट जितेको छ ।