काठमाडौं । काठमाडौं महानगरपालिका–१ जय नेपाल हलनजिकबाट स्रोत नखुलेको १० लाख ६३ हजार रुपैयाँसहित दुईजना पक्राउ परेका छन् ।
काठमाडौं कपन बस्ने रामेछाप खाँडादेवी गाउँपालिका–५ घर भएका २७ वर्षीय दीपक श्रेष्ठ र २५ वर्षीय सुनील श्रेष्ठ पक्राउ परेका प्रहरीले जनाएको छ ।
प्रहरी वृत्त दरबारमार्गबाट खटिएको प्रहरीले हिटीपोखरीबाट नागपोखरीतर्फ जाँदै गरेको बाप्र ०२ ५२ प ६९९४ नम्बरको स्कुटरमा सवार उनीहरूलाई उक्त नगदसहित फेला पारी पक्राउ गरेको हो ।
यसबारे आवश्यक अनुसन्धान भइरहेको प्रहरीले जनाएको छ ।
