केराको भाउ हवात्तै बढ्यो, यस्तो छ कारण

कुलेश्वरस्थित फलफूल बजारका व्यापारीहरूका अनुसार भारतबाट केरा कम आयात भइरहेका कारण स्थानीय बजारमा मूल्य बढेको हो। हाल खुद्रा बजारमा एक दर्जन केरा २८० रुपैयाँसम्म बिक्री भइरहेको छ।

बजारमा भारतबाट केरा पर्याप्त रूपमा नआएको र स्वदेशी उत्पादन पनि कम भएकाले मूल्य बढ्न गएको फलफूल व्यापारीहरुकाे दाबी छ । केही दिनअघि आएको हावाहुरीले केरा खेती हुँदै आएकाे जिल्लाहरुमा केराका बोटमा ठूलो क्षति पुर्‍याएको थियो, जसको असर आपूर्तिमा देखिएको छ।

फलफूल व्यवसायी नविन साहका अनुसार बजारमा केरा पर्याप्त मात्रामा उपलब्ध छैन। ‘भारतबाट केरा नआएपछि बजारमा अभाव भएको छ र त्यसैले मूल्य महँगो भएको हो,’उनले भने ।

उपभोक्ताले भने मध्यपूर्वमा जारी युद्धलाई बहाना बनाएर व्यापारीहरूले मनपरी मूल्य बढाएको आरोप लगाएका छन्।