तीन विकल्प सुझाव : सवारीसाधनमा जोरबिजोरबारे के भन्छ सरकार ?

काठमाडौं । सरकारले सवारीसाधनमा तत्काल जोरबिजोर प्रणाली लागु नगर्ने भएको छ । पेट्रोलियम पदार्थ बचतका निम्ति जोरबिजोर लागु गर्ने/नगर्ने निर्णयबाट अन्तरिम सरकार पन्छिन खोजेको हो । उद्योग, वाणिज्य तथा आपूर्ति मन्त्रालयले यो विषयमा तत्काल निर्णय गर्ने सम्भावना नरहेको जनाएको छ ।

नेपाल आयल निगमले पेट्रोलियम पदार्थको बचतका निम्ति सरकारसँगको छलफलमा तीन विकल्प दिएको थियो । पहिलो विकल्पमा जोरबिजोर लागु गर्ने, दोस्रोमा विद्यालय अनलाइन गराउने र तेस्रोमा सातामा दुई दिन छुट्टी दिने प्रस्ताव थियो ।

निगमका अध्यक्ष चण्डिकाप्रसाद भट्टले आफूहरूले तीन विकल्प दिएको बताए । “हामीले मन्त्रालयलाई तीनवटा विकल्प दिएका छौँ,” उनले भने, “सम्भावितमध्ये सरकारले के गर्छ भन्ने हो ।”