चितवनमा भदौ २४ गते तोडफोड र आगजनीमा संलग्न ९३ जनामाथि मुद्दा दायर

उनका अनुसार अदालतमा हाजिर गराइएका ५३ मध्ये ४१ जना धरौटीमा रिहा भएका छन् भने १२ जनालाई जिल्ला अदालत चितवनले पूर्पक्षको लागि थुनामा पठाएको छ । ८ जनामध्ये ७ जना यसअघि पनि विभिन्न अपराधमा संलग्न भएका व्यक्ति हुन् । प्रहरीले आपराधिक कार्यमा संलग्न एक जनालाई लागु औषधसहित पक्राउ गरेको थियो । उनलाई लागु औषध मुद्दामा पुर्पक्षको लागि थुनामा अदालतले पठाएको छ ।

पुर्पक्षका लागि थुनामा गएकामध्ये ५ जनालाई आपराधिक उपद्रोको अभियोगमा थुनामा पठाइएको छ, दुई जना चोरी र अर्का एक जना लागु औषधका अभियोगमा फैसला भइ कैदमा जानुपर्नेमा फरार अभियुक्त रहेकोले कारागार भुक्तानको लागि पठाइएको उनले बताए । तीन जना धरौटी तिर्न नसकी थुनामा गएका छन् ।

प्रहरी प्रमुख एसपी पुरीका अनुसार जिल्लास्थित सरकारी कार्यालयहरुले क्षति विवरणसहित निवेदन दिएका थिए, व्यक्ति, जिल्ला स्थित राजनीतिक दल तथा व्यापारिक संस्थाहरुले पनि प्रहरीमा निवेदन दिएका थिए । कार्की आयोगको प्रतिवेदनमा भदौ २४ गतेको तोडफोडमा सरकारी कार्यालय बाहेक ६ वटा राजनीतिक दलका कार्यालय, ५१ वटा व्यक्तिका घरमा तोडफोड तथा आगलागी भएको प्रतिवेदनमा उल्लेख छ ।

८६ वटा चार पाङ्ग्रे गाडी, १ सय ६ वटा दुई पाङ्ग्रे सवारी र एउटा सञ्चार गृहमा तोडफोड गरिएको जनाइएको छ । पूर्ण रूपमा जलाइएको भाटभटेनी सुपरमार्केटबाहेक जिल्लामा २४ गतेको तोडफोड तथा आगलागीबाट १ अर्ब ६१ करोड, ८४ लाख २१ हजार ८ सय ४० रुपैयाँ ४० पैसा बराबरको क्षति पुगेको उल्लेख गरिएको छ । प्रहरीका अनुसार भाटभटेनी सुपरमार्केटले आफ्नो प्रतिष्ठान जल्दा ६९ करोड ८४ लाख ३० हजार १ सय ९२ रुपैयाँ बराबरको क्षति भएको जनाएको छ ।