सुर्खेतमा सार्वजनिक यातायात बन्द, यात्रुलाई सास्ती

उनीहरूले प्रहरीको ‘पक्षपातपूर्ण’ कारबाही तत्काल बन्द गर्न माग गरेका छन् । निजी प्रयोजनका लागि दर्ता भएका रातो प्लेटका सवारीसाधनलाई खुला छाडेर सार्वजनिक सवारीमाथि प्रहरीले दबाब सिर्जना गर्नु अन्यायपूर्ण भएको बताए ।

यता, जिल्ला प्रहरी कार्यालय सुर्खेतका सूचना अधिकारी एवं प्रहरी नायब उपरीक्षक मोहनजंग बुढ्थापाले यातायात व्यवसायीले झगडा गरेकाले उनीहरूलाई नियन्त्रणमा लिएको जानकारी दिए ।

“झगडा गरेका कारण यातायात व्यवसायीलाई नियन्त्रणमा लिएका हौँ । अरू कुनै नराम्रो गतिविधि गरेका छैनौँ,” बुढ्थापाले भने, “नियन्त्रणमा लिएकाहरूमाथि अनुसन्धान भइरहेको छ ।”

यातायात बन्दले सुर्खेतबाट सञ्चालन हुने लामो तथा छोटो दूरीका सवारी सेवा पूर्ण रूपमा प्रभावित भएका छन् ।