सशस्त्रका आईजीले गरे नेपाल प्रहरीको आलोचना

सशस्त्र प्रहरी बल नेपालका महानिरीक्षक (आईजीपी) राजु अर्यालले आफ्नो संगठन देशको आन्तरिक सुरक्षामा मजबुद पहरेदार भए पनि आफ्नो सुरक्षामा सम्झौता गर्न पुगेको बताएका छन् । कैलालीको अत्तरियामा सशस्त्र प्रहरी बल नेपाल नम्बर ७ बैद्यनाथ बाहिनी मुख्यालयको २५औँ स्थापना दिवसमा सम्बोधन गर्दै आईजीपी अर्यालले यस्तो बताएका हुन् ।

‘आन्तरिक सुरक्षाको मजबुद पहरेदार सशस्त्र प्रहरी बल नेपाल आफ्नो सुरक्षामा भने कहिलेकाहीँ कम्प्रमाइज भएको देखिन्छ,’ आईजीपी अर्यालले भने, ‘अस्ति भर्खर सीमा सुरक्षा गुल्म खक्रौलाभित्र पसेर गैरकानुनी हर्कत भएको छ । यस्तो अवस्थामा बल प्रयोग गर्ने कुरामा कानुनले छेकेको छैन । संगठनले यस्ता विषयलाई गम्भीरतापूर्क हेरेको छ ।’