चितवनको चौबिसकोठी मा राजा महेन्द्रको सालिक बन्ने

चितवनको चौबिसकोठीमा स्वर्गिय राजा महेन्द्रको शालिक राख्ने तयारी गरिएको छ । त्यसका लागि लागि आज (सोमबार) भरतपुरमा बृहत छलफल कार्यक्रमको आयोजना गरियो । छलफलमा रास्वपा,राप्रपाका प्रतिनिधि र जिल्लाका विभिन्न क्षेत्रका व्याक्तित्वहरुको सहभागिता रहेको थियो । छलफलबाट अभियानका संयोजक जिवलाल पुरीको संयोजकत्वमा समिति गठन गरिएको छ । समितिले सर्वपक्षिय छलफल गरेर शालिक राख्नेबारे निर्णय गर्नेछ । छलफलमा रास्वपा जिल्ला सभापति कृष्ण भुसाल,नेकपा नेता बद्री तिमिल्सिना,राप्रपा जिल्ला अध्यक्ष रुद्र ढकाल, विश्व हिन्दु महासंघका अध्यक्ष प्रेम गैरे,नागरिक बचाउ अभियानका संस्थापक अध्यक्ष मेघराज पौडेल लगायतको उपस्थिति रहेको थियो । सो छलफलमा काँग्रेस,एमालेलाई समेत बोलाइएको थियो । तर कोही सहभागि नभएको पुरीले बताए ।