संसदभवन जाँदा सवारीमा अनावश्यक तामझाम नगर्न राष्ट्रपतिकाे निर्देशन

सडक अवरोध हुने र नागरिकलाइ सास्ती हुने भएकाले आफू संसद भवन जाँदा कुनै तामझामको व्यवस्था नगर्ने राष्ट्रपतिले निर्देशन दिएको उनको सचिवालयले जनाएको छ।

सचिवालयले भन्यो, ‘पहिले झैँ आज राष्ट्रपतिज्यू संसद जाँदा नागरिकलाई कुनै सास्ती हुँदैन।’ यसअघि राष्ट्रपति निस्कँदा सडक नै खाली गराउने गरिएको थियो। तर, चौतर्फी विरोध भएपछि पौडेलले आफू निर्वाचित हुनुअघि नै सामान्य रुपमा हिँड्ने प्रतिबद्धता जनाएका थिए।