अन्तर्राष्ट्रिय महिला भलिबल प्रतियोगिताको प्रधानमन्त्री प्रचण्डले उद्घाटन गर्ने

दिउँसो २ बजे प्रतियोगिता उद्घाटनको निम्ति राष्ट्रिय खेलकुद परिषद्को त्रिपुरेश्वरस्थित कभर्ड हल प्रधानमन्त्री पुग्ने बताइएको छ।भलिबल इतिहासमा नेपालमा अहिले सम्मकै ठूलो अन्तर्राष्ट्रिय प्रतियोगिता आयोजना हुन लागेको हो ।

प्रतियोगितामा नेपालसहित ८ राष्ट्रले प्रतिष्पर्धा गर्नेछ । खेल त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा हुनेछ । प्रतियोगितामा सहभागी ८ राष्ट्रलाई दुई समूहमा विभाजन गरिएको छ। समूह ए मा घरेलु टोली नेपालसहित भारत बंगलादेश र किर्गिस्तान छन्। यस्तै समूह बी मा श्रीलंका, माल्दिभ्स, काजगिस्तान र उज्वेकिस्तान रहेका छन् ।