भुटानी शरणार्थी प्रकरणमा नाम मुछिएका सबैमाथी छानबिन गर्नुपर्ने लामिछानेकाे माग

बुधवार बसेको प्रतिनिधि सभा बैठकको  सुरुमै बोल्दै रास्वपा सभापति रवि लामिछानेले भने-‘भ्रष्टाचारको विषयलाई लिएर हामीले दिनदिनै कुरा उठायौं । कुनै राजनीतिक दल बाँकी रहेको छैन । प्रहरी प्रमुखको नाम आइरहेको छ । प्रधानमन्त्री कार्यालय, मन्त्री क्वाटरमा लगेर पैसा बुझाएको कुरा आएको छ’ लामिछानेले भने, ‘विश्वासको वातावरण बन्द भएको छ, संसदीय विशेष समिति बनाएर छानबिन गर्नुपर्छ ।’

लामिछानेले नक्कली भुटानी शरणार्थी प्रकरणमा नाम मुछिएका सबैलाइ छानबिनकाे दायरामा ल्याउन माग गरे। ‘ज-जसको नाम आएको छ, उनीहरूमाथि छानबिन गर्न किन डराउने ? नाम आएका हरेक व्यक्तिको छानबिन गर्नुपर्छ’ लामिछानेले भने ।