सार्वजनिक जग्गामा काठमाडाैं महानगरले डाेजर चलाएपछि स्थानीयले गरे विराेध

सोमबार काठमाडौंको अनामनगरस्थित गोरखा एफएम चोकमा रहेको सार्वजनिक जग्गामा महानगरपालिकाले डोजर चलाएपछि स्थानीयहरुबीच विवाद सिर्जना भएको हो।

स्थानीयले वर्षौंदेखि सार्वजनिक जग्गाको सुरक्षा गर्दै आएकाले विपद्को समयमा आवश्यक पर्ने भएकाले जग्गा मास्न नहुने बताएका छन् । केहीले सार्वजनिक जग्गा उपयोगका लागि आवश्यक संरचना निर्माण गर्नुपर्ने धारणा राखेका हुन् ।

काठमाडौं महानगरपालिकाले काठमाडौं महानगरपालिकाको २९ नम्बर वडाको वडा कार्यालय बनाउन भत्काउन थालेको छ। अहिले महानगरपाकिलाले स्थानीयको विरोधका बीच डोजर चलाइरहेको छ।

स्थानीयहरुले भने काठमाडौं महानगरपालिकाको विरोध गरिरहेका छन्। उनीहरुले महानगरपालिकाले सार्वजनिक जग्गा पहिचान गरी आवश्यक ठाउँमा वडा कार्यालय बनाउन पाउने तर विपद्को बेलामा उपयोग हुने जग्गा मिचेर वडा कार्यालय बनाउन नहुने उनीहरुको तर्क छ।