वान एक्स बेट काराेबार गरेकाे आरोपमा कलाकार ‘बल्छी ध्रुबे’ सहित आठ जना पक्राउ

प्रतिबन्धित अनलाइन बेटिङ एप ‘वान एक्स बेट’ मा सट्टेबाजी गर्ने र त्यसको विज्ञापन गरेको आरोपमा काठमाडौं उपत्यका अपराध अनुसन्धान कार्यालयले ‘बल्छी ध्रुबे’ नामले चर्चित कलाकार मरिचमान श्रेष्ठिसहित आठ जनालाई पक्राउ गरेको बताइएको छ।

प्रहरीले तत्कालका लागि पक्राउ परेकाहरूको नाम गोप्य राखेको छ । प्रहरीले उनीहरूलाई म्याद थप गरी सार्वजनिक गर्ने तयारी गरिरहेको छ । पक्राउ परेकाहरूले युट्युबमार्फत् वानएक्स बेटको विज्ञापन गरेको आरोप छ ।

प्रहरीले बुधबार यससँग सम्बन्धी आरोपमा अन्य ५ जनालाई पक्राउ गरेको छ। पाँच जनाबाट ७४ करोडको कारोबार भएको देखिएको छ।