रवि लामिछाने भन्छन् : हामीलाई आम नागरिकसम्म पुग्नुपर्ने चुनौती छ.

बिहीबार बसेको केन्द्रीय कमिटी र संसदीय दलको संयुक्त बैठकपछि पार्टी कार्यालय बालाजुमा आयोजित पत्रकार सम्मेलनमा उनले एक वर्ष सकारात्मक रहेको पनि बताए ।

‘यो एक वर्षको यात्रा अत्यन्त सकारात्मक रह्यो । हामीलाई आम नागरिकसम्म पुग्नुपर्ने चुनौती छ,’ उनले भने, ‘हाम्रा विचार, नीतिहरु हामी कुन ढंगले अगाडि बढ्दै छौं आम नागरिकलाई बुझाउनुपर्ने छ ।’  यस्तै उनले एक वर्षकाे अवधि उर्जावान र सकारकात्मक रहेकाे बताए।

लामिछाने भने, ‘सुरुवात गर्दा हामीलाई विश्वास त थियो । तर त्यो विश्वास मतमा बदलिन्छ कि बदलिँदैन भन्ने कुराको हेक्का थिएन । समाजमा परिवर्तनको घण्टी बजिसकेको छ,।

यस्तै आफ्नो पार्टीमा हर्क साम्पाङ र बालेन शाहलाई जोड्न सके खुसी हुने लामिछाने बताएका छन् ।“हर्क र बालेनलाई जोड्न सके असाध्यै राम्रो हुन्थ्यो,” उनले भने, “हाम्रो चाहना छ सय प्रतिशत सकारात्मक छौँ । उहाँको कामको प्रसंशा गरेकै छु । चुनावदेखि राम्रा कामलाई समर्थन गर्दै आएको छु ।”