परराष्ट्रमन्त्री साउदले जेल पुगेर भेटे बालकृष्ण खाणलाई

केन्द्रीय कारागार प्रशासनका अनुसार परराष्ट्रमन्त्री साउद र खाँणबीच आधा घण्टाभन्दा बढी कुराकानी भएको थियो। भेटमा समसामयिक राजनीति, कांग्रेसको आन्तरिक राजनीतिलगायत विषयमा कुराकानी भएको कारागार स्रोतले जनाएको छ।

यस्तै बिहीबार मन्त्री साउदका साथै कांग्रेस सहमहामन्त्रीद्वय महेन्द्र यादव र भिष्मराज आङ्डेम्बे पनि खाणलाई भेट्न सुन्धारा पुगेका थिए। उनीहरुले छुट्टाछुट्टै खाणलाई भेटेको कारागार स्रोतले जनाएको छ ।

खाँण र साउदबीच कांग्रेसको भ्रातृ संस्था नेपाल विद्यार्थी संघ (नेविसंघ) को अध्यक्ष हुँदाको गहिरो सम्बन्ध छ। २०४६ सालको जनआन्दोलनताका खाँण नेविसंघ अध्यक्ष थिए। खाँणले गरेको महाधिवेशनबाट साउद अध्यक्षमा चुनिएका थिए।