वर्षौ देखिका विकृतिको डंगुर भत्काएरै छाड्छु : प्रधानमन्त्री प्रचण्ड

बुधबार प्रतिनिधिसभाको बैठकमा सांसदहरुले उठाएका प्रश्नको उत्तर दिँदै प्रधानमन्त्री प्रचण्डले, ललितानिवास काण्ठ मिटरब्याजी र सहकारी ठगहरुमाथि कारवाही जस्ता विकृतिको डंगुर सफा गर्ने सुशासनको लडाईमा आफू लागेको भन्दै सदन र जनताको अझ धेरै समर्थनको आवश्यकता रहेको बताए ।

‘हिजो बाट प्रधानमन्त्री निवास नै निल्न खोज्ने ललिता निवास काण्डकाे अभियूक्तहरु पक्राउ पर्न थालेका छन्। मिटरब्याजी र सहकारी ठगहरुमाथि कारवाही सुरु भइसकेको छ, वर्षौँदेखिको विकृतिको डंगुर सफा गर्ने सुशासनको लडाईंमा आफूलाई सांसद र जनताको अझ धेरै साथ आवश्यक रहेको बताउँदै उनले भने, ‘वेथितिको दुष्चक्र नभत्काएसम्म न देश अघि बढ्नेछ न लोकतन्त्र । म संकल्प गर्छु, कुनै पनि मूल्यमा विकृतिको यो डंगुर भत्काएरै छाडिनेछ ।’