काठमाडाें, १८ असार
रुपन्देहीको कालिदह नाका हुँदै भारत लैजाँदै गर्दा बरामद भएको साढे दुई केजी सुनको अनुसन्धानका क्रममा बुटवलका सुन व्यवसायीको संलग्नता भेटिएको छ ।
सुन तस्करीमा संलग्न भएको आशङ्कामा बुटवलका दुई सुन पसल सिल भएका छन् । सुन तस्करीमा संलग्नताको आशङ्कामा बुटवल अमरपथमा रहेको बालाजी सुनचाँदी पसल र लक्ष्मीपती सुनचाँदी पसल शिल गरिएको हो । बालाजी सुनचाँदी पसलका सञ्चालक इन्द्र सुनार हुन् । लक्ष्मीपती सुनचाँदी पसलकी सञ्चालक इन्द्र सुनारकी श्रीमती हुन्।
गएको १० गते भारततर्फ लैजाँदै गर्दा सशस्त्र प्रहरीले साढे दुई किलोको शङ्कास्पद वस्तु बरामद गरेको थियो । दुवै सुन पसलमा सिल गरी थप अनुसन्धान अघि बढाइएको भैरहवा भन्सार कार्यालयका प्रवक्ता युवराज भट्टराईले बताउनुभयो ।
