यात्रुको नगद तथा सामान चोरी गर्ने चार जना पक्राउ

काठमाडाैं,२१ असार

सार्वजनिक सवारीसाधानमा यात्रुको नगद तथा सामान चोरी गर्ने चार जनालाई प्रहरीले पक्राउ गरेको छ।

पक्राउ पर्नेमा सिन्धुपाल्चोकको ईन्द्रावती गाउँपालिका–६ घर भइ हाल भक्तपुरको ठिमी बस्ने ३१ वर्षीय सञ्जिव तामाङ, पर्साको ठोरी गाउँपालिका–५ घर भइ काठमाडौंको दक्षिणकाली–५ फर्पिङ बस्ने ३३ वर्षीय आइतमान तामाङ, सिन्धुपाल्चोकको लिसंखुपाखर गाउँपालिका–३ घर भइ ललितपुरको इमाडोल बस्ने २१ वर्षीया सविना तामाङ र ललितपुरको ग्वार्को बस्ने ५८ वर्षीय लक्ष्मी श्रेष्ठ छन्।

उपत्यका अपराध अनुसन्धान कार्यालयले ललितपुरको ग्वार्कोमा सार्वजनिक गाडीमा यात्रा गरिरहका विष्णु अधिकारीको झोलाबाट ७ हजार ४७ अमेरिकी डलर (९ लाख २३ हजार १५७ रुपैयाँ) चोरी भएकाे थियाे।

उनीहरुले अमेरिकी डलर चोरी गरेर नेपाली रुपैयाँमा सटही समेत गरिसकेको अवस्थामा पक्राउ गरिएको प्रहरीले जनाएको छ। डलर सटही गरेको आरोपमा प्रहरीले ५८ वर्षीया लक्ष्मी श्रेष्ठलाई पक्राउ गरेको हो।