काठमाडाैं, २५ असार
अभिनेत्री आँचल शर्माले आफ्नो चरित्र हत्या भएको भन्दै दुई फेसबुक एकाउन्टविरुद्ध साइबर ब्युरोमा उजुरी दिएकी छन्। गलत समाचार पोस्ट गरेको भन्दै दुई फेसबुक एकाउन्टविरुद्ध शनिबार बेलुका प्रहरीको साइबर ब्युरोमा उजुरी दिएकी हुन्।
आँचलको निवेदनमा आफ्नो अनुमतिविना फोटोसहित चरित्रमा आँच आउने समाचार लेखी पोस्ट गर्ने व्यक्ति पहिचान गरी कानुन बमोजिम कारबाही गरी पाउँ भनी लेखिएको छ।उनले निवेदनसँगै उक्त फेसबुकमा पोस्ट भएका भिडियो, अडियो, तस्वीर, अक्षर स्क्रिनसट पनि पेस गरेकी छन्।
अभिनेता दयाहाङ राईले पनि एक सूचना जारी गर्दै सत्यतथ्य नबुझि कुनै कलाकारलाई पनि गाली गलौज नगर्न आग्रह गरेका छन् । शर्माको नामको पेजबाट राईविरुद्ध पोस्ट भएपछि शर्माले यस्तो कदम चालेकी हुन्।
