काठमाडाैं, २७ असार

रोल्पाको रुन्टीगढी गाउँपालिका वडानम्बर ४ का अध्यक्ष टंकबहादुर पुनको  आज मृत्यु भएको छ ।

वडाध्यक्ष पुनको उपचारका क्रममा बुधबार मध्याह्न साढे १२ बजेतिर दाङको घोराहीस्थित राप्ती स्वास्थ्य विज्ञान प्रतिष्ठानमा मृत्यु भएको हाे। पुन गएको स्थानीय तह निर्वाचनमा नेपाली कांग्रेसबाट वडा अध्यक्षमा निर्वाचित भएका थिए।

वडा अध्यक्ष पुनलाई मंगलबार उपचारका लागि रोल्पाबाट दाङ ल्याइएको थियो। टंकबहादुरलाई स्क्रब टाइफस देखिएको गाउँपालिका अध्यक्ष जनक पुनले जानकारी दिए।